ਨਹੀਂ ਰੁਕ ਰਹੇ ਗ੍ਰਨੇਡ ਹਮਲੇ, ਹੁਣ ਜਲੰਧਰ 'ਚ ਯੂਟਿਊਬਰ ਦੇ ਘਰ 'ਤੇ ਅਟੈਕ, ਇਸ ਪਾਕਿਸਤਾਨੀ ਨੇ ਵੀਡੀਓ ਜਾਰੀ ਕਰਕੇ ਲਈ ਜ਼ਿੰਮੇਵਾਰੀ

ਜਲੰਧਰ : ਜਲੰਧਰ ਦੇ ਰਾਏਪੁਰ ਰਸੂਲਪੁਰ ਵਿਚ ਰਹਿੰਦੇ ਇਕ ਯੂਟਿਊਬਰ ਦੇ ਘਰ 'ਤੇ ਕਿਸੇ ਨੇ ਗ੍ਰੇਨੇਡ ਨਾਲ ਹਮਲਾ ਕੀਤਾ। ਜਿਸ ਘਰ 'ਤੇ ਹਮਲਾ ਕੀਤਾ ਗਿਆ, ਉਹ ਹਿੰਦੂ ਵਿਚਾਰਧਾਰਾ ਵਾਲੇ ਦੱਸੇ ਜਾ ਰਹੇ ਹਨ। ਉਨ੍ਹਾਂ 'ਤੇ ਮੁਸਲਿਮ ਭਾਈਚਾਰੇ ਦੇ ਖ਼ਿਲਾਫ਼ ਅਪਮਾਨਜਨਕ ਟਿੱਪਣੀ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਇਸ ਮਾਮਲੇ ਵਿਚ ਪਾਕਿਸਤਾਨੀ ਡਾਨ ਸ਼ਹਜ਼ਾਦ ਭੱਟੀ ਨੇ ਇਕ ਵੀਡੀਓ ਜਾਰੀ ਕੀਤੀ ਹੈ। ਵੀਡੀਓ ਵਿਚ ਉਸ ਨੇ ਕਿਹਾ ਹੈ ਕਿ ਪੰਜਾਬ ਦੇ ਜਲੰਧਰ ਵਿਚ ਜੋ ਹਮਲਾ ਹੋਇਆ ਹੈ, ਉਹ ਗ੍ਰੇਨੇਡ ਹਮਲਾ ਮੈਂ ਕਰਵਾਇਆ ਹੈ। ਹਮਲਾ ਇਸ ਲਈ ਕੀਤਾ ਗਿਆ ਹੈ ਕਿਉਂਕਿ ਮੇਰੇ ਇਸਲਾਮ, ਖਾਨਾ ਕਾਬਾ ਨੂੰ ਗਾਲੀਆਂ ਕੱਢਦਾ ਸੀ। ਇਹ ਲੋਕ ਸਮਝ ਰਹੇ ਸਨ ਕਿ ਅਸੀਂ ਉਨ੍ਹਾਂ ਦੀ ਹਰਕਤ ਨੂੰ ਭੁੱਲ ਗਏ ਹਾਂ।ਵੀਡੀਓ ਵਿਚ ਦਾਅਵਾ ਕੀਤਾ ਗਿਆ ਕਿ ਜੇਕਰ ਉਹ ਆਦਮੀ ਬਚ ਗਿਆ ਤਾਂ ਦੁਬਾਰਾ ਹਮਲਾ ਕੀਤਾ ਜਾਵੇਗਾ। ਵੀਡੀਓ ਵਿਚ ਇਹ ਵੀ ਕਿਹਾ ਕਿ ਮੇਰੇ ਭਰਾ ਜੀਸ਼ਾਨ ਉਰਫ਼ ਜੈਸੀ ਪੁਰੇਵਾਲ (ਜੋ ਬਾਬਾ ਸਿਦਦੀਕੀ ਕਤਲ ਦਾ ਮਾਸਟਰਮਾਈਂਡ ਹੈ) ਅਤੇ ਖਾਲਿਸਤਾਨੀ ਆਤੰਕੀ ਹੈਪੀ ਪਸਿਆ ਦਾ ਵੀ ਧੰਨਵਾਦ ਕਰਦਾ ਹਾਂ, ਜਿਨ੍ਹਾਂ ਨੇ ਮੇਰੀ ਇਸ ਕੰਮ ਵਿਚ ਮਦਦ ਕੀਤੀ। ਹਮਲੇ ਵਿਚ ਇਕ ਨਹੀਂ ਬਲਕਿ ਪੰਜ ਵਿਅਕਤੀਆਂ ਦੇ ਹੋਣ ਦਾ ਦਾਅਵਾ ਕੀਤਾ ਗਿਆ ਹੈ। ਵੀਡੀਓ ਵਿਚ ਭੱਟੀ ਨੇ ਕਿਹਾ ਕਿ ਜੇ ਤੁਸੀਂ ਲੋਕ ਚਾਹੁੰਦੇ ਹੋ ਕਿ ਅਜਿਹਾ ਖੂਨ ਖਰਾਬਾ ਨਾ ਹੋਵੇ ਤਾਂ ਸਾਰੇ ਨੂੰ ਗ੍ਰਿਫਤਾਰ ਕਰ ਲਵੋ ਨਹੀਂ ਤਾਂ ਕਾਰਵਾਈ ਅਜਿਹੀ ਹੀ ਜਾਰੀ ਰਹੇਗੀ। ਵੀਡੀਓ ਵਿਚ ਕਿਹਾ ਕਿ ਮੇਰੇ ਕੋਲ ਕੁਝ ਅਜਿਹੀਆਂ ਤਸਵੀਰਾਂ ਹਨ ਅਤੇ ਨਾਮ ਹਨ, ਉਹ ਮੈਂ ਸਭ ਦੇਣ ਲਈ ਤਿਆਰ ਹਾਂ। ਜੇਕਰ ਇਨ੍ਹਾਂ 'ਤੇ ਕੋਈ ਕਾਰਵਾਈ ਨਹੀਂ ਹੁੰਦੀ ਤਾਂ ਮੈਂ ਇੰਨੀ ਤਬਾਹੀ ਕਰਾਂਗਾ ਕਿ ਇਨ੍ਹਾਂ ਸਾਰਿਆਂ ਦੀਆਂ ਸੱਤ ਪੀੜ੍ਹੀਆਂ ਯਾਦ ਰੱਖਣਗੀਆਂ ਕਿ ਕਿਸੇ ਨਾਲ ਦੁਸ਼ਮਨੀ ਮੋਲ ਲਈ ਸੀ। ਭੱਟੀ ਨੇ ਕਿਹਾ ਕਿ ਅਜੇ ਮੈਂ ਸ਼ਾਇਦ ਤੁਹਾਨੂੰ ਖਬਰਾਂ ਪਤਾ ਨਾ ਚਲਣ, ਪਰ ਮੈਂ ਵੀਡੀਓ ਵਿਖਾਵਾਂਗਾ ਇਸਦਾ, ਜੇਕਰ ਕੋਈ ਦੁਬਾਰਾ ਮੇਰੇ ਧਰਮ ਦੇ ਬਾਰੇ ਵਿਚ ਬੋਲੇਗਾ ਤਾਂ ਮੈਂ ਅਜਿਹਾ ਹੀ ਕਰਾਂਗਾ ਅਤੇ ਮੈਨੂੰ ਕੋਈ ਰੋਕ ਨਹੀਂ ਸਕਦਾ। ਇਸ ਲਈ ਸਮੇਂ ਰਹਿੰਦੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਜਾਵੇ। ਇਸਲਾਮ ਦੇ ਖ਼ਿਲਾਫ਼ ਬੋਲਣ ਵਾਲਾ ਕੋਈ ਇਕ ਵਿਅਕਤੀ ਨਹੀਂ ਸੀ ਬਲਕਿ ਹੋਰ ਵੀ ਵਿਅਕਤੀ ਹਨ। ਸਭ ਦਾ ਹਿਸਾਬ ਕਿਤਾਬ ਹੈ। ਉਨ੍ਹਾਂ ਨੂੰ ਸਜ਼ਾ ਮਿਲ ਕੇ ਰਹੇਗੀ। ਤੁਸੀਂ ਲੋਕਾਂ ਨੇ ਇਸਲਾਮ ਨੂੰ ਅਜਿਹਾ ਹੀ ਸਮਝਿਆ ਹੋਇਆ ਹੈ। ਪਰ ਅਜਿਹਾ ਨਹੀਂ ਹੋਵੇਗਾ। ਜਿਸਨੇ ਮੇਰਾ ਜੋ ਕਰਨਾ ਹੈ ਉਹ ਜਾ ਕੇ ਕਰ ਲਵੇ।