ਬਰਨਾਲਾ/ਭਦੌੜ, 21 ਜੁਲਾਈ (ਬਘੇਲ ਸਿੰਘ ਧਾਲੀਵਾਲ)-ਬਰਨਾਲਾ ਵਿਖੇ ਤੈਨਾਤ ਬਤੌਰ ਇੰਸਪੈਕਟਰ ਬਲਜੀਤ ਸਿੰਘ ਢਿੱਲੋਂ ਦੇ ਡੀ ਐਸ ਪੀ ਬਣਨ 'ਤੇ ਕਸਬਾ ਭਦੌੜ ਵਿਖੇ ਬਲਜੀਤ ਸਿੰਘ ਢਿੱਲੋ ਦਾ ਇੱਕ ਪ੍ਰਭਾਵਸ਼ਾਲੀ ਸਨਮਾਨ ਸਮਾਰੋਹ ਵਿੱਚ ਸਾਹੀ ਸਨਮਾਨ ਕੀਤਾ ਗਿਆ | ਇਸ ਸਨਮਾਨ ਸਮਾਰੋਹ ਉੱਘੇ ਸਮਾਜ ਸੇਵੀ ਬਾਬੂ ਸੁਰਿੰਦਰਪਾਲ ਗਰਗ ਆੜਤੀਆ ਅਤੇ ਮਨੀਸ਼ ਕੁਮਾਰ ਗਰਗ ਪ੍ਰਧਾਨ ਨਗਰ ਕੌਂਸਲ ਭਦੌੜ ਦੀ ਅਗਵਾਈ ਵਿੱਚ ਸਮੂਹ ਭਦੌੜ ਵਾਸੀਆਂ ਦੇ ਸਹਿਯੋਗ ਨਾਲ ਕੀਤਾ ਗਿਆ | ਇਹ ਸਨਮਾਨ ਸਮਾਰੋਹ ਦਾ ਆਯੋਜਨ ਸਥਾਨਕ ਸੰਗਮ ਢਾਬਾ ਵਿਖੇ ਕੀਤਾ ਗਿਆ | ਇਸ ਸਨਮਾਨ ਸਮਾਰੋਹ ਵਿੱਚ ਇਲਾਕੇ ਦੇ ਸਮੂਹ ਪਤਵੰਤੇ ਸੱਜਣ, ਰਾਜਨੀਤਿਕ ਪਾਰਟੀਆਂ, ਸਮਾਜਿਕ ਜਥੇਬੰਦੀਆਂ, ਆੜਤੀਆ ਐਸੋਸੀਏਸ਼ਨ ਅਤੇ ਨਗਰ ਕੌਂਸਲ ਭਦੌੜ ਦੇ ਸਮੂਹ ਕੌਂਸਲਰਾਂ ਨੇ ਹਿੱਸਾ ਲਿਆ | ਇਸ ਮੌਕੇ ਡਾਕਟਰ ਵਿਪਨ ਗੁਪਤਾ, ਕੁਲਵੰਤ ਸਿੰਘ ਮਾਨ, ਬਾਬੂ ਅਜੈ ਕੁਮਾਰ ਗਰਗ, ਪਰਮਜੀਤ ਤਲਵਾੜ ਆਦਿ ਬੁਲਾਰਿਆਂ ਵੱਲੋਂ ਆਪੋ ਆਪਣੇ ਵਿਚਾਰ ਪੇਸ਼ ਕੀਤੇ | ਇਸ ਮੌਕੇ ਬਾਬੂ ਅਜੈ ਕੁਮਾਰ ਗਰਗ ਨੇ ਕਿਹਾ ਕਿ ਉਂਝ ਤਾਂ ਹਰ ਨਵੇਂ ਦਿਨ ਕੋਈ ਨਾ ਕੋਈ ਇੰਸਪੈਕਟਰ ਤੋਂ ਡੀ ਐਸ ਪੀ ਪ੍ਰਮੋਟ ਹੁੰਦਾ ਹੈ ਪਰ ਜੋ ਸਨਮਾਨ ਅੱਜ ਬਲਜੀਤ ਸਿੰਘ ਢਿੱਲੋਂ ਨੂੰ ਮਿਲ ਰਿਹਾ ਹੈ ਉਸ ਦੀ ਮਿਸਾਲ ਸ਼ਾਇਦ ਹੀ ਕਿਤੇ ਵੇਖਣ ਨੂੰ ਮਿਲੇ,ਕਿਉਂਕਿ ਇਹ ਇਹਨਾਂ ਦੀ ਮਿਹਨਤ, ਲਗਨ ਅਤੇ ਇਮਾਨਦਾਰੀ ਦਾ ਫ਼ਲ ਹੈ ਜੋ ਇਹਨਾਂ ਨੂੰ ਇਸ ਸਨਮਾਨ ਦੇ ਕਾਬਿਲ ਬਣਾਉਂਦਾ ਹੈ | ਜ਼ਿਕਰਯੋਗ ਹੈ ਕਿ ਡੀਐਸਪੀ ਬਲਜੀਤ ਸਿੰਘ ਢਿੱਲੋਂ ਕੁੱਝ ਸਮਾਂ ਪਹਿਲਾਂ ਥਾਣਾ ਭਦੌੜ ਦੇ ਮੁਖੀ ਰਹਿ ਚੁੱਕੇ ਹਨ ਜਿਸ ਕਰਕੇ ਇਹਨਾਂ ਵੱਲੋਂ ਕੀਤੇ ਗਏ ਕੰਮਾਂ ਸਦਕਾ ਹੀ ਭਦੌੜ ਵਿੱਚ ਇੰਨੇ ਹਰਮਨ ਪਿਆਰੇ ਹੋ ਗਏ ਸਨ, ਜਿਸ ਕਰਕੇ ਇਹਨਾਂ ਨੂੰ ਭਦੌੜ ਵਿੱਚ ਅੱਜ ਦੂਸਰੀ ਵਾਰ ਸਨਮਾਨਿਤ ਕੀਤਾ ਗਿਆ ਹੈ | ਇਸ ਸਨਮਾਨ ਸਮਾਰੋਹ ਵਿੱਚ ਵੱਖ-ਵੱਖ ਪਾਰਟੀਆਂ, ਵੱਖ-ਵੱਖ ਸਮਾਜਿਕ ਜਥੇਬੰਦੀਆਂ, ਇਲਾਕੇ ਦੇ ਪਤਵੰਤੇ ਸੱਜਣਾ, ਪਿੰਡਾਂ ਦੇ ਪੰਚਾਂ, ਸਰਪੰਚਾਂ, ਕਲੱਬਾਂ ਦੇ ਅਹੁਦੇਦਾਰਾਂ ਨੇ ਬਲਜੀਤ ਸਿੰਘ ਢਿੱਲੋ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ | ਇਸ ਤੋਂ ਇਲਾਵਾ ਥਾਣਾ ਮੁਖੀ ਸ਼ਹਿਣਾ ਜਗਜੀਤ ਸਿੰਘ, ਥਾਣਾ ਮੁਖੀ ਭਦੌੜ ਅੰਮਿ੍ਤ ਸਿੰਘ ਅਤੇ ਏ ਐਸ ਆਈ ਸੰਤੋਖ ਨੂੰ ਵੀ ਨਗਰ ਕੌਂਸਲ ਪ੍ਰਧਾਨ ਵੱਲੋਂ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਡੀ ਐਸ ਪੀ ਬਲਜੀਤ ਸਿੰਘ ਢਿੱਲੋ ਨੇ ਭਾਵੁਕ ਹੁੰਦੇ ਆ ਕਿਹਾ ਕਿ ਜੋ ਪਿਆਰ ਮੈਨੂੰ ਭਦੌੜ ਵਿੱਚ ਮਿਲਿਆ ਹੈ ਸ਼ਾਇਦ ਹੀ ਕਿਸੇ ਹੋਰ ਨੂੰ ਮਿਲਿਆ ਹੋਵੇ | ਉਹਨਾਂ ਕਿਹਾ ਕਿ ਪੂਰੇ ਪੰਜਾਬ ਵਿੱਚ ਭਦੌੜ ਇਲਾਕੇ ਦੇ ਲੋਕ ਹੀ ਹਨ ਜਿਨਾਂ ਨੇ ਮੈਨੂੰ ਇੰਨਾ ਪਿਆਰ ਬਖਸ਼ਿਆ ਅਤੇ ਮੈਂ ਭਦੌੜ ਵਾਸੀਆਂ ਦਾ ਹਮੇਸ਼ਾ ਕਰਜ਼ਦਾਰ ਰਹਾਂਗਾ | ਉਨ੍ਹਾਂ ਕਿਹਾ ਕਿ ਮੈਂ ਕੋਸ਼ਿਸ਼ ਕਰਾਂਗਾ ਭਦੌੜ ਵਾਸੀਆਂ ਦੇ ਕਰਜ਼ ਉਤਾਰਨ ਦੀ ਜਿਨਾਂ ਨੇ ਮੈਨੂੰ ਇਹਨਾਂ ਪਿਆਰ ਬਖਸ਼ ਕੇ ਮੇਰੇ ਨਾਲ ਮੋਢੇ ਨਾਲ ਮੋਢਾ ਦਾ ਕਿ ਅੱਜ ਤੱਕ ਵੀ ਮੇਰੇ ਭਰਾਵਾਂ ਵਾਂਗ ਮੇਰੇ ਨਾਲ ਖੜ੍ਹੇ ਹਨ | ਇਸ ਮੌਕੇ ਜਵਾਹਰ ਲਾਲ ਸਿੰਗਲਾ, ਅਭੈ ਕੁਮਾਰ ਗਰਗ, ਸੰਦੀਪ ਕੁਮਾਰ ਕਾਲਾ, ਮਾਸਟਰ ਸਤੀਸ਼ ਕੁਮਾਰ ਜੰਤਾ ਵਾਲੇ, ਜਗਦੀਪ ਸਿੰਘ ਜੱਗੀ, ਭਾਜਪਾ ਆਗੂ ਰਕੇਸ਼ ਕੁਮਾਰ ਟੀਟੂ, ਮਾਸਟਰ ਸੁਦਾਗਰ ਸਿੰਘ ਨੈਣੇਵਾਲੀਆ, ਅਰੁਣ ਕੁਮਾਰ ਜੰਤਾ ਵਾਲੇ, ਬਾਬੂ ਦੀਨਾ ਨਾਥ,ਬਲਜੀਤ ਸਿੰਘ ਝਿੰਜਰ, ਗੁਰਜੰਟ ਸਿੰਘ ਮਾਨ ਖੇਤੀ ਸੇਵਾ ਸੈਂਟਰ, ਜਗਤਾਰ ਸਿੰਘ ਮਾਨ, ਬਲਵਿੰਦਰ ਪਾਲ ਹੈਪੀ ਸਿੰਘ ਗੈਸ ਏਜੰਸੀ, ਸੁਖਦੇਵ ਸਿੰਘ ਜੈਦ, ਹਰੀ ਸਿੰਘ ਬਾਵਾ, ਗੁਰਦੇਵ ਸਿੰਘ ਭਾਰਤ ਹਾਊਸ, ਸਹਿਬ ਸਿੰਘ ਗਿੱਲ ਪ੍ਰਧਾਨ ਰਾਮਗੜੀਆ ਕਮੇਟੀ ਭਦੌੜ, ਬੀਰਬਲ ਦਾਸ ਦੀਪਗੜ੍ਹ ਵਾਲੇ, ਗੁਰਚਰਨ ਤਲਵਾੜ, ਨਰਿੰਦਰ ਕੁਮਾਰ ਟੋਨੀ, ਭੀਮ ਤਲਵਾੜ, ਸੁਖਬੀਰ ਸਿੰਘ ਭੂਰਾ ਕਾਂਗੜ,ਬਾਬੂ ਧਰਮਿੰਦਰ ਕੁਮਾਰ ਭੱਠੇ ਵਾਲੇ,ਹੀਰਾ ਲਾਲ ਸਿੰਗਲਾ, ਡਾਕਟਰ ਅਵਤਾਰ ਸਿੰਘ ਗਿੱਲ, ਡਾਕਟਰ ਹਰੀ ਸਿੰਘ ਕਾਂਗੜ ਵਾਲੇ, ਜੋਗਿੰਦਰ ਸਿੰਘ ਪਰਵਾਨਾ, ਰਜਿੰਦਰ ਕੁਮਾਰ ਮੰਡੀ ਆਦਿ ਹਾਜਰ ਸਨ |