ਫਿਰੋਜ਼ਪੁਰ : ਫਿਰੋਜ਼ਪੁਰ ਤੀਹਰੇ ਕਤਲਕਾਂਡ (Triple Murder in Ferozepur) ਦੇ ਮੁਲਜ਼ਮ ਮਹਾਰਾਸ਼ਟਰ ਤੋਂ ਗਿਰਫ਼ਤਾਰ ਕਰ ਲਏ ਗਏ ਹਨ। ਜਾਣਕਾਰੀ ਮੁਤਾਬਕ ਸ੍ਰੀ ਹਜ਼ੂਰ ਸਾਹਿਬ (Sri Hazoor Sahib) ਜਾ ਰਹੇ ਸਾਰੇ ਇਹ ਸੱਤ ਮੁਲਜ਼ਮ ਮੁੰਬਈ-ਨਾਗਪੁਰ ਐਕਸਪ੍ਰੈਸਵੇਅ ਤੋਂ ਕਾਬੂ ਕੀਤੇ ਗਏ ਹਨ। ਸੂਤਰਾਂ ਮੁਤਾਬਿਕ ਪੰਜਾਬ ਪੁਲਿਸ (Punjab Police) ਦੇ ਮੁਕਾਬਲੇ ਤੋਂ ਡਰਦਿਆਂ ਇਹ ਖ਼ੁਦ ਹੀ ਮਹਾਰਾਸ਼ਟਰ ਪੁਲਿਸ (Maharashtra Police) ਦੇ ਹੱਥੇ ਚੜ੍ਹ ਗਏ।ਜ਼ਿਕਰਯੋਗ ਹੈ ਕਿ ਕੰਬੋਜ ਨਗਰ ਇਲਾਕੇ ’ਚ ਬੀਤੇ ਮੰਗਲਵਾਰ ਨੂੰ ਦਿਨਦਿਹਾੜੇ ਦੋ ਮੋਟਰਸਾਈਕਲਾਂ ’ਤੇ ਸਵਾਰ ਛੇ ਹਮਲਾਵਰਾਂ ਨੇ ਇਕ ਕਾਰ ’ਤੇ ਅੰਨ੍ਹੇਵਾਹ ਫਾਇਰਿੰਗ ਕਰ ਦਿੱਤੀ ਜਿਸ ਵਿਚ ਚਚੇਰੇ ਭੈਣ-ਭਰਾ ਸਮੇਤ ਤਿੰਨ ਜਣਿਆਂ ਦੀ ਮੌਤ ਹੋ ਗਈ ਸੀ।