ਸ੍ਰੀ ਮੁਕਤਸਰ ਸਾਹਿਬ : ਸ਼ਹਿਰ ਚ ਚੋਰੀਆਂ ਦੀਆਂ ਘਟਨਾਵਾਂ ਦਿਨੋਂ-ਦਿਨ ਵੱਧਦੀਆਂ ਜਾ ਰਹੀਆਂ ਨੇ। ਲੋਕ ਖੁਦ ਨੂੰ ਅਸੁੱਖਿਅਤ ਮਹਿਸੂਸ ਕਰ ਰਹੇ ਨੇ ਤੇ ਚੋਰ ਪੁਲਿਸ ਲਈ ਚੁਣੌਤੀ ਬਣੇ ਹੋਏ ਨੇ। ਤਿਉਹਾਰੀ ਸੀਜਨ ਦੌਰਾਨ ਅਜਿਹੇ ਹੀ ਚੋਰੀ ਦੇ ਦੋ ਨਵੇਂ ਮਾਮਲੇ ਅੱਜ ਸੋਮਵਾਰ ਸਾਹਮਏ ਆਏ। ਟਿੱਬੀ ਸਾਹਿਬ ਰੋਡ ਸ੍ਰੀ ਰਾਮ ਭਵਨ ਤੇ ਨਾਲ ਲੱਗਦੀ ਡੇਅਰੀ ਤੇ ਚੋਰਾਂ ਵੱਲੋਂ ਚੋਰੀਆਂ ਦੀਆਂ ਘਟਨਾਵਾਂ ਨੂੰ ਅੰਜਾਮ ਦਿੱਤਾ ਗਿਆ ਹੈ ਤੇ ਪੁਲਿਸ ਦੋਵਾਂ ਮਾਮਲਿਆਂ ਦੀ ਜਾਂਚ ਕਰ ਰਹੀ ਹੈ।ਪੁਲਿਸ ਨੂੰ ਜਾਣਕਾਰੀ ਦਿੰਦਿਆਂ ਸ੍ਰੀ ਰਾਮ ਭਵਨ ਮੰਦਰ ਕਮੇਟੀ ਦੇ ਪ੍ਰਧਾਨ ਹੰਸਰਾਜ ਦਾਬਡ਼ਾ, ਨੱਥੂ ਰਾਮ ਗੋਇਲ, ਨਰਿੰਦਰ ਗੁਪਤਾ, ਪੰ. ਰਣਜੀਤ ਸ਼ਰਮਾ ਨੇ ਦੱਸਿਆ ਕਿ ਚੋਰਾਂ ਵੱਲੋਂ ਨਾਲ ਲੱਗਦੀ ਡੇਅਰੀ ਦੀ ਛੱਤ ਚੋਂ ਪੌਡ਼ੀ ਲਾ ਕੇ ਮੰਦਰ ਚ ਦਾਖਲ ਹੋ ਕੇ ਚੋਰੀ ਕੀਤੀ ਗਈ ਹੈ। ਮੰਦਰ ਦੀਆਂ ਚਾਰ ਦਾਨ ਪੇਟੀਆਂ ਤੋਡ਼ ਕੇ ਚੋਰ ਉਸ ਚ ਪਈ 20 ਤੋਂ 22 ਹਜ਼ਾਰ ਰੁਪਏ ਦੀ ਨਕਦੀ ਚੋਰੀ ਕਰ ਲੈ ਗਏ ਨੇ।