ਬਰਨਾਲਾ, 22 ਅਕਤੂਬਰ (ਬਘੇਲ ਸਿੰਘ ਧਾਲੀਵਾਲ)-ਅਕਾਲੀ ਦਲ ਸੁਤੰਤਰ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਹੌਲੀ ਅਤੇ ਰਿਟਾਇਰਡ ਡੀਆਈਜੀ ਰਣਵੀਰ ਸਿੰਘ ਖੱਟੜਾ ਨੂੰ ਉਸ ਸਮੇ ਗਹਿਰਾ ਸਦਮਾ ਲੱਗਾ,ਜਦੋ ਉਹਨਾਂ ਦੇ ਮਾਤਾ ਈਸ਼ਰ ਕੌਰ ਸਦੀਵੀ ਵਿਛੋੜਾ ਦੇ ਗਏ। ਉਹ 93 ਸਾਲਾਂ ਦੇ ਸਨ। ਉਨ੍ਹਾਂ ਦੇ ਪੰਜ ਧੀਆਂ ਪੁੱਤਰਾਂ (ਤਿੰਨ ਪੁੱਤਰ ਅਤੇ ਦੋ ਧੀਆਂ) ਦੇ ਭਰੇ ਪਰਿਵਾਰਾਂ ਦੋਹਤੇ ਦੋਹਤੀਆਂ, ਪੋਤੇ ਪੋਤੀਆਂ,ਪੜੋਤੇ ਪੜੋਤੀਆਂ ਨੂੰ ਛੱਡ ਕੇ ਅੱਜ ਸਵੇਰੇ ਸੱਤ ਵਜੇ ਸੰਖੇਪ ਜਿਹੀ ਬਿਮਾਰੀ ’ਚੋਂ ਉਭਰਨ ਉਪਰੰਤ ਅਚਾਨਕ ਹੀ ਗੁਰੂ ਚਰਨਾਂ ਵਿੱਚ ਜਾ ਵਿਰਾਜੇ ਹਨ। ਮਾਤਾ ਜੀ ਦੇ ਵਿਛੋੜੇ ਸਬੰਧੀ ਗੱਲਬਾਤ ਕਰਦਿਆਂ ਭਰੇ ਮਨ ਨਾਲ ਪਰਮਜੀਤ ਸਿੰਘ ਸਹੌਲੀ ਨੇ ਦੱਸਿਆ ਕਿ 93 ਸਾਲਾਂ ਦੇ ਹੋਣ ਦੇ ਬਾਵਜੂਦ ਵੀ ਬੀਜੀ ਤੰਦਰੁਸਤ ਸਨ ਅਤੇ ਉਹਨਾਂ ਦੇ ਇਸ ਤਰ੍ਹਾਂ ਚਲੇ ਜਾਣ ਬਾਰੇ ਸਾਡੇ ਪਰਿਵਾਰ ਨੇ ਕਦੇ ਸੋਚਿਆ ਵੀ ਨਹੀ ਸੀ। ਉਨ੍ਹਾਂ ਕਿਹਾ ਕਿ ਖੱਟੜਾ ਪਰਿਵਾਰ ਨੂੰ ਜੋੜਕੇ ਰੱਖਣ ਵਿੱਚ ਬੀਜੀ ਦਾ ਵੱਡਾ ਯੋਗਦਾਨ ਰਿਹਾ ਹੈ। ਜਥੇਦਾਰ ਸਹੌਲੀ ਦੇ ਮਾਤਾ ਜੀ ਦੇ ਅਕਾਲ ਚਲਾਣੇ ਤੇ ਦੁਖ ਪ੍ਰਗਟ ਕਰਦਿਆਂ ਬਾਬਾ ਸਰਬਜੋਤ ਸਿੰਘ ਬੇਦੀ, ਸ੍ਰੋਮਣੀ ਅਕਾਲੀ ਦਲ (ਅ) ਦੇ ਪ੍ਰਧਾਨ ਸ੍ਰ ਸਿਮਰਨਜੀਤ ਸਿੰਘ ਮਾਨ, ਬਾਬਾ ਨਛੱਤਰ ਸਿੰਘ ਕੱਲਰ ਭੈਣੀਵਾਲੇ, ਹਰਿਆਣਾ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਪ੍ਰਧਾਨ ਬਲਜੀਤ ਸਿੰਘ ਦਾਦੂਵਾਲ, ਅਕਾਲੀ ਦਲ ਕਿਰਤੀ ਦੇ ਪ੍ਰਧਾਨ ਬੂਟਾ ਸਿੰਘ ਰਣਸੀਂਹ ਕਲਾਂ, ਅਕਾਲੀ ਦਲ ਯੁਨਾਇਟਡ ਦੇ ਪ੍ਰਧਾਨ ਗੁਰਦੀਪ ਸਿੰਘ ਬਠਿੰਡਾ, ਅਕਾਲੀ ਦਲ ਅੰਮ੍ਰਿਤਸਰ (ਫਤਿਹ)ਦੇ ਪ੍ਰਧਾਨ ਜਸਕਰਨ ਸਿੰਘ ਕਾਹਨ ਸਿੰਘ ਵਾਲਾ ਨੇ ਕਿਹਾ ਕਿ ਮਾਵਾਂ ਭਾਵੇ ਕਿੰਨੀ ਵੀ ਵੱਡੀ ਉਮਰ ਦੀਆਂ ਹੋਕੇ ਜਹਾਨ ਤੋ ਰੁਖਸਤ ਹੋਣ, ਪਰ ਮਾਂ ਦਾ ਵਿਛੋੜਾ ਧੀਆਂ ਪੁੱਤਾਂ ਲਈ ਬਹੁਤ ਅਸਹਿ ਹੁੰਦਾ ਹੈ। ਉਹਨਾਂ ਸਭਨਾਂ ਨੇ ਵੱਖਰੇ ਵੱਖਰੇ ਤੌਰ ਤੇ ਗੱਲ ਕਰਦਿਆਂ ਕਿਹਾ ਕਿ ਅਸੀ ਇਸ ਦੁਖ ਦੀ ਘੜੀ ਵਿੱਚ ਖਟੜਾ ਪਰਿਵਾਰ ਦੇ ਦੁੱਖ ਵਿੱਚ ਸ਼ਰੀਕ ਹੁੰਦੇ ਹੋਏ ਅਰਦਾਸ ਕਰਦੇ ਹਾਂ ਕਿ ਵਾਹਿਗੁਰੂ ਵਿਛੜੀ ਆਤਮਾ ਨੂੰ ਆਪਣੇ ਚਰਨਾਂ ਵਿੱਚ ਨਿਵਾਸ ਦੇਵੇ ਅਤੇ ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬਲ ਬਖਸ਼ੇ। ਖਟੜਾ ਪਰਿਵਾਰ ਨਾਲ ਦੁਖ ਸਾਂਝਾ ਕਰਨ ਵਾਲਿਆਂ ਵਿੱਚ ਸ਼੍ਰੋਮਣੀ ਅਕਾਲੀ ਦਲ (ਅ) ਦੇ ਸੰਯੁਕਤ ਸਕੱਤਰ ਅਤੇ ਬਰਨਾਲਾ ਤੋ ਵਿਧਾਨ ਸਭਾ ਜਿਮਨੀ ਚੋਣ ਦੇ ਉਮੀਦਵਾਰ ਸ੍ਰ ਗੋਬਿੰਦ ਸਿੰਘ ਸੰਧੂ,ਸ੍ਰ ਬਲਵੰਤ ਸਿੰਘ ਧਾਲੀਵਾਲ ਸਾਬਕਾ ਸਰਪੰਚ ਝਲੂਰ,ਸ੍ਰ ਹਰਬੰਸ ਸਿੰਘ ਸਲੇਮਪੁਰ,ਭਾਈ ਅਮ੍ਰਿਤਪਾਲ ਸਿੰਘ ਸੰਦੜਾ,ਸਰਪੰਚ ਗੁਰਨੈਵ ਸਿੰਘ ਰਾਮਪੁਰਾ,ਪ੍ਰੋ ਮੋਹਿੰਦਰਪਾਲ ਸਿੰਘ ਪਟਿਆਲਾ,ਹਰਿੰਦਰ ਸਿੰਘ ਔਲਖ, ਹਰਪਾਲ ਸਿੰਘ ਬਲੇਅਰ, ਦਰਸਨ ਸਿੰਘ ਮੰਡੇਰ,ਜੱਸਾ ਸਿੰਘ ਮਾਣਕੀ,ਐਡਵੋਕੇਟ ਮਨਵੀਰ ਕੌਰ ਰਾਹੀ ਅਤੇ ਸੁਖਚੈਨ ਸਿੰਘ ਸੰਘੇੜਾ ਆਦਿ ਆਗੂ ਸ਼ਾਮਲ ਸਨ।