ਸ਼੍ਰੀ ਵਿਸ਼ਵਕਰਮਾ ਕਾਰ ਰਿਪੇਅਰ ਵੈਲਫੇਅਰ ਐਸੋਸੀਏਸ਼ਨ ਦੇ ਪ੍ਰਧਾਨ ਮਿਸਤਰੀ ਮੇਵਾ ਸਿੰਘ ਬਣੇ

ਬਰਨਾਲਾ, 21 ਫਰਵਰੀ (ਚਮਕੌਰ ਸਿੰਘ ਗੱਗੀ)-ਸ਼੍ਰੀ ਵਿਸ਼ਵਕਰਮਾ ਕਾਰ ਰਿਪੇਅਰ ਵੈਲਫੇਅਰ ਐਸੋਸੀਏਸ਼ਨ ਬਰਨਾਲਾ ਦੀ ਸਲਾਨਾ ਚੋਣ ਦੌਰਾਨ ਇਕੱਠੇ ਹੋਏ ਮਿਸਤਰੀਆਂ ਵੱਲੋਂ ਮਿਸਤਰੀ ਮੇਵਾ ਸਿੰਘ ਨੂੰ ਸਰਵਸੰਮਤੀ ਨਾਲ ਪ੍ਰਧਾਨ ਚੁਣਿਆ ਅਤੇ ਖਜਾਨਚੀ ਇਲੈਕਟ੍ਰਿਸਨ ਜਗਤਾਰ ਸਿੰਘ ਅਤੇ ਜਨਰਲ ਸਕੱਤਰ ਅਵਤਾਰ ਸਿੰਘ ਤਾਰੀ, ਸਮੇਤ ਸਹਾਇਕ ਖਜਾਨਚੀ ਸੁਖਵਿੰਦਰ ਸਿੰਘ ਗੋਗੀ ਨੂੰ ਨਿਯੁਕਤ ਕੀਤਾ ਗਿਆ। ਜਿਕਰਯੋਗ ਹੈ ਕਿ ਸ਼੍ਰੀ ਵਿਸ਼ਵਕਰਮਾ ਕਾਰ ਰਿਪੇਅਰ ਵੈਲਫੇਅਰ ਐਸੋਸੀਏਸ਼ਨ ਦੀ ਸਲਾਨਾ ਮੀਟਿੰਗ ਅਵਤਾਰ ਮੋਟਰ ਗੈਰਜ ਵਿੱਚ ਕੀਤੀ ਗਈ। ਜਿਸ ਵਿੱਚ ਪਿਛਲੀ ਕਮੇਟੀ ਵੱਲੋਂ ਕੀਤੇ ਕਾਰਜਾਂ ਸਬੰਧੀ ਵਿਚਾਰਾਂ ਕੀਤੀਆਂ ਗਈਆਂ, ਇਸ ਉਪਰੰਤ ਹਾਜਰ ਹੋਏ ਸਮੂਹ ਮੈਂਬਰਾਂ ਵਲੋਂ ਸਲਾਨਾ ਚੋਣ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਅਤੇ ਪਿਛਲੀ ਕਮੇਟੀ ਭੰਗ ਕਰਕੇ ਨਵੇਂ ਅਹੁਦੇਦਾਰਾਂ ਦੀ ਚੋਣ ਸ਼ੁਰੂ ਕੀਤੀ, ਜਿਸ ਦੌਰਾਨ ਸਮੂਹ ਮਿਸਤਰੀਆਂ ਵੱਲੋਂ ਮਿਸਤਰੀ ਯੂਨੀਅਨ ਦੀ ਨੁਮਾਇੰਦਗੀ ਲਈ ਮਿਸਤਰੀ ਮੇਵਾ ਸਿੰਘ, ਖਜਾਨਚੀ ਜਗਤਾਰ ਸਿੰਘ, ਜਨਰਲ ਸਕੱਤਰ ਅਵਤਾਰ ਸਿੰਘ, ਸਹਾਇਕ ਖਜਾਨਚੀ ਸੁਖਵਿੰਦਰ ਸਿੰਘ ਗੋਗੀ ਅਤੇ ਸਰਪ੍ਰਸਤ ਸੁਖਦੀਪ ਸਿੰਘ ਗੋਲਡੀ ਨੂੰ ਚੁਣਿਆ ਗਿਆ। ਗੱਲਬਾਤ ਕਰਦੇ ਹੋਏ ਨਵ ਨਿਯੁਕਤ ਅਹੁਦੇਦਾਰਾਂ ਨੇ ਕਿਹਾ ਕਿ ਮਿਸਤਰੀ ਭਰਾਵਾਂ ਵੱਲੋਂ ਜਿਹੜੀ ਜੁੰਮੇਵਾਰੀ ਸਾਨੂੰ ਦਿੱਤੀ ਗਈ ਹੈ, ਉਸਨੂੰ ਇਹ ਤਨਦੇਹੀ ਨਾਲ ਨਿਭਾਉਣਗੇ ਅਤੇ ਮਿਸਤਰੀਆਂ ਨੂੰ ਆ ਰਹੀਆਂ ਦਰਪੇਸ਼ ਮੁਸ਼ਕਿਲਾਂ ਦੇ ਹੱਲ ਲਈ ਦਿਨ ਰਾਤ ਤਤਪਰ ਰਹਿਣਗੇ। ਇਸ ਮੌਕੇ ਜਸਵਿੰਦਰ ਸਿੰਘ ਗਿਆਨੀ ਸੀਟਾਂ ਵਾਲਾ, ਗੁਰਜੰਟ ਸਿੰਘ ਜੰਟੀ, ਜਸਵਿੰਦਰ ਸਿੰਘ ਉਂਕਾਰ ਮੋਟਰ ਗੈਰਜ, ਹਰਦੀਪ ਸਿੰਘ ਭੰਗੂ ਮੋਟਰ ਗੈਰਜ, ਹਰਪ੍ਰੀਤ ਸਿੰਘ ਸੋਨੂ, ਰਣਜੀਤ ਸਿੰਘ ਭੰਧਾਲਾ, ਯਾਦਵਿੰਦਰ ਸਿੰਘ ਕਾਲਾ, ਵੇਦ ਪ੍ਰਕਾਸ਼ ਬੇਦੀ, ਗਗਨਦੀਪ ਸਿੰਘ ਗੱਗੀ ਡੈਂਟਰ, ਸੰਦੀਪ ਸਿੰਘ, ਸੋਨੂ ਭੁੱਲਰ, ਇਲੈਕਟ੍ਰਿਸਨ ਰੂਪ ਸਿੰਘ, ਜਸਬਿੰਦਰ ਸਿੰਘ ਰਾਜਾ, ਕਾਕਾ ਡੈਂਟਰ, ਜਗਸੀਰ ਸਿੰਘ ਸੀਰਾ ਡੈਂਟਰ, ਪੱਪੂ ਜਲੂਰੀਆ, ਤਾਰੀ ਡੇਂਟਰ ਸਮੇਤ ਵੱਡੀ ਗਿਣਤੀ ਵਿੱਚ ਮੈਂਬਰ ਹਾਜ਼ਰ ਸਨ।